Langsung ke konten utama
SOAL TAMBAHAN

Presiden Jokowi Badhe Tindak Wonten Pusat Teknologi AS

Presiden Jokowi dipunpesthikaken bakal tindak dhateng pusat teknologi AS ing Silicon Valley ing surya kaping 16-17 Februari 2016 samangke. Rawuhipun menika dipunjadwalaken sabibaripun kundur saking Konferensi Tingkat Inggil ASEAN-AS.Informasi bab kunjungan Presiden Jokowi ing Silicon Valley menika kasumerepan saking jadwal acara ingkang dipunpratelakaken dening Ismail Cawidu, juru ginem Kementrian Komunikasi saha Informatika.
Menteri komunikasi saha informatika, Rudiantara ugi ngleresaken informasi ngengingi kunjungan kasebat.“Rencananipun mekaten,” miturut jaler ingkang akrab dipuntimbali Chief RA menika. Ing salebetipun jadwal menika, presiden Jokowi dipunsebataken badhe kepanggih kaliyan diaspora saking Indonesia ing surya kaping 16 Wulan Februari 2016.Lajeng enjingipun, presiden Jokowi enggal ngunjungi kantor-kantor teknologi, ing antawisipunwonten kantor ageng Facebook, Google, saha Twitter.
Kalodhangan menika badhe dipunginakaken kangge pinanggih kaliyan CEO ing babagan IT.Ing salebetipun kunjungan kasebat, presiden dipunjadwalaken ngrembag pangrembakanipun industri e-commerce, mliginipun wonten ing Indonesia.Menawi sios kalampahan, kunjungan ing Silicon Valley menika badhe dados kunjungan ingkang sepisan tumrapipun presiden Jokowi.Warsa kapengker, presiden Jokowi sejatosipun sampun dipunjadwalaken badhe tindak dhateng puser teknologi AS kasebat, nanging boten sios amargi perkawis kabut asap ing mapinten-pinten tlatah ing Indonesia.
Kapethik saking www.pawartabasajawa. blogspot.co.id. (kanthi ewah-ewahan sawetawis)
Mangsuli pitakenan:
1)                  Menapa tema artikel ing nginggil?
2)                  Menapa ide pokok paragraf satunggal ?
3)                  Kaandharna isi pokok waosan artikel ing nginggil!
4)                  Kaandharna pesan moral ingkang kinandhut ing artikel menika!

5)                  Kadamelna reringkesaning waosan ing nginggil! 

Komentar

Posting Komentar

Postingan populer dari blog ini

SERAT JAW A Layang utawi nawala inggih menika basa ingkang dipunaturaken nganggé seratan utawi salah satunggaling  piranti komunikasi ingkang awujud seratan. Miturut basa, wos, sipat saha asalipun, layang saged kaperang dados sekawan, inggih menika : a. Surat (layang) resmi, b. Surat ( layang ) dinas, c. Surat ( layang) niaga, d. Surat (layang) pribadhi. Layang resmi, dinas, lan niaga temtunipun ngagem paugeran ingkang gumathok gegayutan kaliyan kedinasan. Beda kaliyan layang pribadi. Layang pribadhi menika wujudipun kadosdéné layang limrahipun. Ingkang dados pratandhanipun menawi layang menika kalebet layang pribadhi inggih menika pigunanipun. Tegesipun layang wau dipunginakaken pribadhi marang pribadhi saha wosipun ngrembag perkawis pribadhi utawi sanès perkara kadinasan. Pramila saking menika basa ingkang dipunginakaken ing layang pribadhi langkung longgar. Kajenganipun basa ing layang pribadhi boten kaiket dening paugeran-paugeran ingkang baku nanging namung...
Posting Komentar
Baca selengkapnya

Pranatacara

Nagari Indonesia kadadosan saking maewu-ewu pulo saha maneka warni kabudayan. Kawontenan ingkang mekaten menika njalari tuwuhing tatacara ingkang mawarni-warni. Tatacara mujudaken peranganing warisanipun para leluhur ingkang perlu dipunlestantunaken. Kanthi nindakaken tatacara kados ingkang dipunlampahi dening para sepuh ing jaman rumiyin ateges sampun tumut nglestantunaken kabudayaning bangsa. Kanthi punika kapanggalih perlu wontenipun ancer-ancer amrih lampahing upacara saged tumata sae tuwin rancag. Ing adat sabenipun, masyarakat Jawa ngresaya dhateng tiyang ingkang kaanggep gadhah kawasisan ing bab olah basa tuwin sastra supados ndherekaken lampahing upacara ngantos paripurna ingkang asring sinebat panata laksana, paniti laksana, utawi panatacara. Pranatacara inggih menika p araga ingkang gadhah jejibahan mranata lam p ah utawi ngatur titilaksana utawi urut-urutani p un lam p ah saderengi p un tuma p ak ing satunggali p un p asamuan, p e p anggihanm wiwahan, p are p atan, ls p. ...
Posting Komentar
Baca selengkapnya
CERKAK Hakikat Cerkak Cerita cekak utawi ingkang asring kacekak ‘Cerkak’, menika salah satunggaling wujud prosa naratif fiktif. Cerita cekak cendrung padhet saha langsung wonten ancasipun, bilih dipuntandhingaken kaliyan karya-karya fiksi ingkang langkung dawa, kados dene Novella (kanthi teges modhern) saha novel. Amargi cekakipun cerkak-cerkak ingkang sukses ngendelaken  teknik-teknik  sastra kados dene tokoh, plot, tema, basa saha  insight  kanthi langkung wiyar tinimbang karya fiksi ingkang langkung dawa.   Miturut sujarahipun cerkak menika wiwitanipun saking tradhisi cariyos  lisan  ingkang wisuwur. Cariyos-cariyos kasebat adatipun kaaturaken kanthi wujud geguritan ingkang wonten wiramanipun. Wirama kasebat nggadhahi paedah minangka piranthi kangge tetulung supados tiyang saged ngeling-ngeling cariyosipun. Perangan cekak saking cariyos-cariyos menika punjeripun saking perangan naratif ingkang kaaturaken wonten ing kalodhangan ingkang cekak....
Posting Komentar
Baca selengkapnya